Almatynyń Qulja - Buqtyrma kóshesi qıylysyndaǵy jolaıryq qurylysy aıaqtalýǵa jaqyn

ALMATY. QazAqparat – Qulja tasjoly men Buqtyrma kósheleri qıylysyndaǵy jolaıryq qurylysy jyl sońynda aıaqtalady. Bul týraly Túrksib aýdanynyń turǵyndarymen kezdesýde Almaty ákimi aıtty, dep habarlaıdy QazAqparat tilshisi.

«Qulja tasjoly men Buqtyrma kósheleri qıylysyndaǵy jolaıryq qurylysy 2022 jyldyń jeltoqsanynda aıaqtalady», - dedi Erbolat Dosaev.

Sonymen qatar, ol B. Hmelnıtskıı kóshesin «Qaırat» shaǵyn aýdanynan Qulja kúre jolyna deıin uzartýdy jobalaý úshin tenderlik rásimder júrgizilip jatqanyn aıtty.

«Aýdannyń kólik ınfraqurylymyn jaqsartý úshin búginde uzyndyǵy 10,3 km bolatyn 18 kóshedegi joldy ortasha jóndeý aıaqtaldy. Qazan aıynyń sońyna deıin aǵymdaǵy jóndeý jumystary aýdannyń 80 kóshesinde aıaqtalady», - dedi ákim.