Almatynyń kóshelerin sý basty
ALMATY. QazAqparat - Almatynyń birqatar kóshelerin sý basqan. Áleýmettik jelide sý astynda qalǵan kóshege qatysty vıdeolar, fotolar taralýda, dep habarlaıdy QazAqparat tilshisi.
Tańǵa jýyq bastalǵan jańbyr áli de tolassyz jaýyp tur. Aǵyn sý aryqtan asyp, trotýarlarǵa jaıylǵan. Ásirese kópirdiń asty men saılarda sý tizege jetip qaldy.
Turǵyndar Jáńgir han kóshesi, Momyshuly-Jubanov kósheleriniń qıylysy, Dostyq-Abaı dańǵyly, Abaı-Altynsarın dańǵyly jáne basqa da ýchaskeler men aýdandardyń sý astynda qalǵanyn vıdeoǵa túsirip alǵan.
Posmotret etý pýblıkatsııý v Instagram
Almaty qalalyq Tótenshe jaǵdaılar departamenti qutqarýshylar men kommýnaldyq qyzmetkerler tolassyz jaýǵan jańbyrdyń saldaryn joıýdy jalǵastyryp jatqanyn málim etti.
Sınoptıkter búgin Qazaqstanyń basym bóliginde jaýyn, qar jaýyp, jel boltynyn eskertken.
Buǵan deıin qalalyq jasyl ekonomıka basqarmasy basshysynyń mindetin atqarýshy Serik Ádilbaev megapolıstegi aryqtar men nóser kárizderi jańartylatynyn aıtqan edi.
Qazir 16 kollektordyń 4-eýi ǵana jumys istep tur. Sol sebepti, jaýyn-shashyn kezinde Abaı dańǵylynan tómen 56 kósheni, ásirese, Raıymbek dańǵylynyń boıyn sý basady.
