Almatynyń kóshelerin sý basty
ALMATY. QazAqparat - Almatyda jaýyn jaýyp, kóshelerdi sý basty, dep habarlaıdy QazAqparat tilshisi.
Qalada kesheden beri tolassyz jaýyn quıyp tur.
Kóshelerdegi aryq jelileri sýǵa tolyp, trotýarlardy sý ala bastady. Turǵyndar áleýmettik jelide basseınge aınalǵan kóshelerdiń sýretterin jarııalaı bastady.
Birneshe kólik jol shetindegi aryqtarǵa, shuńqyrlarǵa túsip ketken. Atap aıtqanda Tóle bı-Momyshuly kósheleriniń qıylysynda Gazel júk kóligi aryqqa bir dóńgelegimen túsip ketti.
Ýl Tole bı.býdte vnımatelny vodıtelı, arykı vse polnye 👆 #Almaty #Astana #Karaganda #Shymkent #Týrkestan #Jetysaı #Saryagash #Aktobe #Atyraý #Pavlodar #Taraz #Kyzylorda #Semeı #Kokshetaý #Temırtaý #Jezkazgan #Balhash #Taldykorgan #Kostanaı #Oral #Petropavl #Oskemen #Aktaý
Abaı-Jarokov kósheleriniń qıylysynda lıýk qaqpaǵy ashyq tur. Turǵyndar Almaty ákimdigine atalǵan ýchaskege basa mán berýdi ótinip jatyr.
Qalanyń keıbir kóshelerinde jaýynnan úlken keptelister paıda boldy.Instagramdaǵy kris_p_almaty pablıginde Qulja tas jolyndaǵy birneshe shaqyrymǵa sozylǵan keptelistiń vıdeosy jarııalandy.
Vıdeo avtory áýejaıǵa 3 saǵat buryn shyǵýǵa keńes berdi.
«Qulja tas joly. Bizde jol qozǵalysyn keremet retteıdi. Jigitter shyǵyp temeki shegip jatyr. Áýejaıǵa baratyndar 3 saǵat buryn shyqsyn», - dedi kommentatorlar.
Almaty qalasy «Metropolıten» MKK qalyń jaýynǵa qaramastan shtattyq rejimde jumys jasap tur.
2016 jyly tolassyz jaýǵan jaýynnan jer asty stansalaryn sý alǵan edi.
«Qazir metroda eshqandaı sý basý bolǵan joq. Stansalardy sý almas úshin aryq jelilerin tazalaý boıynsha ákimdikpen jumys jasap jatyrmyz. Munda birneshe mamandar brıgadasy metroǵa sý ótpeýin qadaǵalap otyrady. Ol tek qana jaýyn sýy emes, kanalızatsııa jarylýy múmkin, qubyrlar tesilýi múmkin, drenaj sýlary bolýy múmkin. Onyń bári mamandardyń baqylaýynda», - dedi «Almatymetropolıten» MKK baspasóz qyzmetinen.
«Qazgıromet» RMK boljamyna súıensek, 7-9 qarasha aralyǵynda Almatyda jaýyn jaýyp, tuman, kóktaıǵaq bolýy múmkin.
«Tuman men kóktaıǵaq qarasha aıyna tán qubylys. Jaqyn aradaǵy 3 táýlikte túngi jáne tańǵy ýaqyttarda tuman men kóktaıǵaq saqtalady», - delingen boljamda.
Tótenshe jaǵdaıǵa baılanysty qala ákimdigi túsinikteme berýge ýáde berdi.
