Almatynyń kóshelerin memlekettik kásiporyn tazalaıtyn boldy
ALMATY. 25 qańtar. QazAqparat /Erbol Azanbek/ - Jańa jyldan bastap Almaty kóshelerin tazalaýmen memlekettik kásiporyn aınalysyp jatyr.
Jyl basyna deıin tazalaý jumystarymen 10 jeke kompanııa aınalysyp kelgen edi.
Jańadan qurylǵan «Almaty páter qyzmeti» qalyń qar jaýǵan ótken kúnderi óz qyzmetin durys atqaryp otyrǵandyǵyn kórsetti. 22-24 qańtar aralyǵynda qalaǵa aılyq kórsetkish kóleminde - qalyńdyǵy 13 santımetr qar jaýǵan edi. Eki kún ishinde memlekettik kásiporyn qardy tazalaý, joldarǵa qum-hlorıdti qospa sebý jumystaryn 144 tehnıka, 520 jumyskerdi jumyldyra otyryp, meriziminde atqarǵan. Qala joldarynan barlyǵy 6721 tekshe metr qar shyǵarylǵan.
Esterińizge sala keteıik, atalǵan memlekettik kásiporyn ótken jyly qurylyp, jyl aıaǵynda qaramaǵynda Eýro-3 talaptaryna saı 98 jańa tehnıka berilgen bolatyn.
