Almatynyń kóptegen medıtsınalyq mekemeleri jabdyqtalmaǵan – Baqytjan Saǵyntaev
ALMATY. QazAqparat – Almaty qalasynyń medıtsınalyq mekemelerin barlyq qajettiliktermen jabdyqtaý 2022 jyldyǵ sońyna deıin keminde 90% bolady. Bul týraly óziniń Facebook áleýmettik jelisindegi paraqshasyna Almaty qalasynyń ákimi Baqytjan Saǵyntaev jazdy, dep habarlaıdy QazAqparat.
«Búgin Almatynyń medıtsınalyq mekemeleri bir aılyq aýdıtiniń qorytyndylaryn qaradyq. Onyń nátıjesi boıynsha qala aýrýhanalary men emhanalarynyń joǵary dáldiktegi qondyrǵylarmen jabdyqtalýy 60%-ke jýyq ekeni anyqtaldy. Degenmen, bul kórsetkish 22% jetpeıtinderi de bar. Olar — №20, 21, 25, 26, 27 emhanalar. Atalǵan emhanalarda jabdyqtar uzaq ýaqyt boıyna aýystyrylmaǵan, tipti tozý deńgeıi belgilengen normadan asyp ketken»,-dep jazdy ákim.
Onyń sózinshe, bıylǵy jyly osy emhanalar úshin óte qajet, joǵary tehnologııaly 35 birlik dıagnostıkalyq jabdyqtar: ÝZI, rentgen, flıýorograf, mammograf jáne basqalary alynady.
«Al 2022 jyldyń aıaǵyna qaraı qalanyń medıtsınalyq mekemeleriniń jabdyqtalýy 90%-ten tómen bolmaıdy»,-dedi shahar basshysy.
