Almatynyń kommýnaldyq parki gazben júretin avtobýstarmen tolyqty
ALMATY. QazAqparat - Qalanyń kommýnaldyq parki gazben júretin jańa 37 avtobýs aldy, dep habarlaıdy QazAqparat tilshisi.
Almaty ákimi Baqytjan Saǵyntaevtyń tapsyrmasyna sáıkes kommýnaldy jáne qoǵamdyq kólik josparly túrde ekologııalyq taza otyndarǵa kóshýde. Basty maqsat – qalanyń ekologııasyn jaqsartý jáne jolaýshylardy tasymaldaýdyń sapasyn arttyrý.
Jańa avtobýstardy turǵyndardyń ótinishi boıynsha №34 baǵytta júrgizý josparda.
Búgingi kúni avtobýstardy tehnıkalyq baqylaýdan ótkizip, qujattaryn rásimdep jatyr. Olar qala kóshelerine 2021 jyldyń 20 naýryzynda shyǵady.
Uzyndyǵy 12 metr bolatyn jańa avtobýstardyń syıymdylyǵy 90 adam. Úsh esigi bar, onyń bireýinde múmkindigi shekteýli jandarǵa arnalǵan platformasy bar. Avtobýstar avtomatty beınebaqylaý júıelerimen, jolaýshylar sanyn esepteıtin jáne júrgizýshilerdiń sharshaǵanyn baqylaıtyn datchıktermen jabdyqtalǵan.
Aıta keteıik, jańadan qoslyǵan qoǵamdyq kólikterdi eseptegende qala baǵyttarynda gazben júretin 389 avtobýs qyzmet kórsetetin bolady.
