Almatynyń qoǵamdyq tamaqtandyrý oryndarynda óreskel zań buzýshylyqtar anyqtaldy
ALMATY. Tamyzdyń 2-si. QazAqparat /Erbol Azanbek/- Almatynyń Jetisý aýdanynyń ýchaskelik polıtsııa qyzmetkerleri 14 qoǵamdyq tamaqtandyrý orynyn tekserip, olardyń óreskel zań buzýshylyqtarmen jumys istep otyrǵandaryn anyqtady, dep habarlaıdy qalalyq ishki ister departamentiniń baspasóz qyzmeti.
Tekserý barysynda qoǵamdyq oryndardyń kópshiliginiń káýápty zańsyz pisirgeni anyqtalǵan. Bul onsyz da nashar qalanyń ekologııalyq jaǵdaıyna nusqan keltiredi. Onyń ústine sekseýildi paıdalaný zańmen qatań baqylanady. Alaıda tabysty oılaǵan dámhanalardyń ıeleri zańdy saqtamaıdy, bunymen qosa shet eldik jumys kúshin zańsyz paıdalanady. Jetisý aýdanyndaǵy tekserý barysynda káýáp pisirip turǵandardyń basym bóligi qujattary joq Tájikstan men Ózbekstan azamattary ekendigi anyqtalǵan. «Sanıtarlyq kitapshaniń qajettigi týraly bulardyń kópshiligi bilmeıdi. Tekserý barysynda kóshe boıynda, júrginshiler joly mańynda zańsyz ornalasqan káýáp pisirý oryndary anyqtaldy. Bularda káýápti daıyndaýdyń ózi talapqa saı júrgizilmegen» deıdi Jetisý aýdandyq ІІB-nyń bastyǵy Qanat Taımerdenov.
Tekserý qorytyndysy boıynsha aýdandyq ІІB-na 18 adam jetkizilip, onyń 8-i shet el azamaty bolǵandyqtan ýaqytsha oqshaýlaý bólmesine qamalǵan.
