Almatynyń qoǵamdyq kólikteri taǵy jańardy
ALMATY. QazAqparat - Almatyda jańa avtobýstar jolǵa shyqty, dep habarlaıdy QazAqparat tilshisi.
Jańa qoǵamdyq kólikter №65 baǵdar boıynsha jolaýshy tasymaldaıtyn boldy. Almaty ákimi Baýyrjan Baıbek jańa avtobýstardy qarap shyqty. «AvtoAlma Trans» JShS-i bas dırektorynyń orynbasary Qanat Nurlybekov eń aldymen №65 baǵyt jańa kólikke almastyrylǵanyn, óıtkeni, osy baǵyt boıynsha turǵyndardan kóp shaǵym túskenin aıtty.
«Búgingi kúni bizdiń avtoparkte 10 baǵdar boıynsha 150 kólik bar. Jyl aıaǵyna deıin biz taǵy da 44 jańa avtobýs alamyz, 2018 jyldyń birinshi toqsanynda jańa avtobýstar sanyn 112-ge deıin jetkizemiz. Qazirgi ýaqytta jınaqtalǵan ınvestıtsııamyz 4 mlrd teńge», - dedi Q.Nurlybekov.
Jańa avtobýstarǵa 70 jolaýshy sııady. Evro-5 ekologııalyq talaptarǵa saı «Yutong» markaly avtobýstaryna «OŃAI» qurylǵylary ornatylǵan.
Aıta keteıik, Almatyda kólik reformasy jáne qoǵamdyq kólik júıesin turaqtandyrý aıasynda jyljymaly sostavty jańartý jumystary aıaqtalǵan joq. Almaty qalasy Jolaýshylar kóligi jáne avtomobıl joldary basqarmasynyń málimetine súıensek, ótken aptada №103 baǵyty boıynsha tómen edendi 12 metrlik 20 avtobýs jolǵa shyqty. Ol kólikterde jeti kún ishinde 1,8 mln teńge túsip, jolaýshy legi ótken kezeńdermen salystyrǵanda 3 ese ósken.
