Almatynyń Qoǵamdyq keńes músheleri mereıtoılyq medalmen marapattaldy
Qala ákiminiń orynbasary Erdan Babaqumarov Qoǵamdyq keńes múshelerin Qazaqstan Respýblıkasy men Almaty qalasynyń memlekettiligin qalyptastyrýǵa, egemendigin nyǵaıtýǵa jáne áleýmettik-ekonomıkalyq damýyna qosqan eleýli úlesi úshin «Qazaqstan Respýblıkasynyń Táýelsizdigine 30 jyl» mereıtoılyq medalimen marapattady.
«Almaty ákimi Baqytjan Saǵyntaevtyń atynan qalanyń tynys-tirshiliginiń áleýmettik mańyzdy máselelerin sheshýge qosqan úlesterińiz ben birlesken jumys úshin alǵys aıtamyn. Biz qala turǵyndarynyń ıgiligi úshin salıqaly yntymaqtastyqty odan ári jalǵastyratynymyzǵa senimdimin», - deıdi Erjan Babaqumarov.
Marapattalǵandardyń arasynda QR Mádenıet jáne sport mınıstriniń keńesshisi Erjan Ábdirahmanov, «QazRENA» Qazaqstannyń ǵylymı-bilim berý kompıýterlik jelisin paıdalanýshylar qaýymdastyǵynyń bas dırektory Borıs Japarov, «Qýanysh mekeni» ÓK tóraǵasy Tóleýtaı Jabbarov, «Taımas LTD» kompanııasy» JShS bas dırektory Gúljan Qaldabaeva, «Gúlden Saýda» JShS bas dırektory Maıra Saǵymbekova, Almaly aýdany ákiminiń keńesshisi Qusman Shalabaev, QR Prezıdenti janyndaǵy Ulttyq qoǵamdyq senim keńesiniń múshesi Marat Shıbutov, Almaty qalasy ІІD ÁPB ardagerler keńesiniń bastaýysh uıymynyń tóraǵasy Aıgúl Shópshekbaeva bar.
