Almatynyń qoǵamdyq qaýipsizdik jáne tótenshe jaǵdaılar qyzmeti kezekten tys prezıdenttik saılaýǵa daıyn
ALMATY. 29 naýryz. QazAqparat /Áıgerim Ámir/ - Búgin Almatyda qalalyq saılaý komıssııasy otyrysynda Tótenshe jaǵdaılar mınıstrliginiń tapsyrmasy boıynsha qaladaǵy saılaý ortalyqtaryndaǵy qaýipsizdik sharalary jaǵdaıy talqylandy.
Almaty qalalyq ІІD qoǵamdyq qaýipsizdik basqarmasynyń bastyǵy Serik Kenenbaev kezekten tys Prezıdent saılaýyna óz bóliminiń túgeldeı daıyn ekenin aıtty. Onyń aıtýynsha, 467 saılaý ýchaskesiniń, sonyń ishinde 62 jabyq túrdegi ortalyqtyń 18-i polıtsııa qyzmetkerleriniń kúzetýin qajet etpeıtin jabyq mekemelerde ornalasqan. «Osy baǵytta 449 saılaý ýchaskeleri qoǵamdyq qaýipsizdik kúzetine alynatyn bolady. Barlyǵy 898 ІІD qyzmetkerleri saılaý kezinde eki aýysymmen jumys isteıdi», - deıdi Serik Kenenbaev.
«Saılaý týraly» QR Zańyna baılanysty polıtsııa qyzmetkerleri saılaý ýchaskeleriniń syrtyndaǵy qoǵamdyq tártipti baqylaıdy. Tek tártipsizdik oryn alǵan kezde ǵana, saılaý ýchaskeleri qyzmetkerleriniń ótinishimen ishke kirýge quqyly. Sondaı-aq, barlyq ІІD qyzmetkerleri óz quqyqtaryn, mindetterin biledi. Olarǵa arnaıy nusqaý jumystary berilgen", - deıdi qalalyq ІІD ókili.
Almaty qalasy boıynsha tótenshe jaǵdaılar departamenti bastyǵyǵynyń orynbasary ıÝrıı Ilın saılaý ýchaskelerindegi qaýipsizdik jaǵdaıyn baıandady. «Saılaý naýqanynda barlyq órt sóndirý jáne qutqarý qyzmetteri kúsheıtiletin bolady. Barlyq saılaý ortalyqtarynda órtke qarsy jumystar júrgizilgen. Barlyq ortalyqtardaǵy qyzmetkerlerge nusqaý jumystary júrgizildi. Olarǵa tótenshe jaǵdaıdyń aldyn alý sharalaryna baılanysty eskertpeler de berilgen»,-dedi ıÝrıı Ilın.
