Almatynyń kınoteatrlary sáýir aıynda «Ashyq» pılottyq jobasyna qosylýy múmkin

ALMATY. QazAqparat - Kınoteatrlar «Ashyq» jobasyna sáýir aıynda qosylýy múmkin. Bul týraly onlaın brıfıng barysynda Almaty qalasy Kásipkerler palatasynyń dırektory Aıtýar Qoshmambetov aıtty, dep habarlaıdy QazAqparat tilshisi.

«Ashyq» jobasynyń kelesi kezeńinde jobaǵa kınoteatrlardy qosý josparlanyp jatyr. Bas sanıtar dárigerdiń qaýlysy shyqqannan keıin sáýir aıynyń ortasynda qosylýy múmkin. Sebebi kınoteatrlar karantın talaptaryn saqtaıtyn, qadaǵalaıtyn nysandardyń qatarynda», – dedi Almaty Kásipkerler palatasynyń dırektory Aıtýar Qoshmambetov.

Almatyda jobanyń kelesi kezeńinde 15 baǵyt boıynsha jańa nysandar qosylady dep josparlanyp otyr.

«Qoǵamdyq tamaqtaný oryndary, balalardy damytý ortalyqtary jáne bıznestiń barlyq spektri jobaǵa qosylady dep oılaımyz», – dep atap ótti spıker.

Aıta keteıik, «Ashyq» qosymshasyn 125 myń adam júktep alǵan.