Almatynyń Kedendik baqylaý departamenti "Kúzetshi - 2011" jáne «Valıýta» aldyn alý is-sharasyn ótkizip jatyr
ALMATY. 26 qazan. QazAqparat /Názıra Eleýhan/ -"Kúzetshi - 2011" jáne «Valıýta» jedel aldyn alý sharalary elimizdiń kedendik aımaǵyna zańsyz taýarlardyń ótip ketýiniń aldyn alý men anyqtaýǵa jáne tyıym salynǵan taýarlardyń enýin qadaǵalaýǵa baǵyttalǵan.
Jedel profılaktıkalyq sharalar barysynda birneshe zań buzýshylyq faktiler anyqtalǵan.
Máselen, 19 qazan kúni, jedel izdestirý sharalaryn júrgizý barysynda Almaty qalasy boıynsha Kedendik baqylaý departamentiniń Kontrabandaǵa qarsy kúres basqarmasynyń qyzmetkerleri Almaty halyqaralyq áýejaıynyń ushyp kelý zalynda, «Úrimshi-Almaty» baǵytyndaǵy áýe reısimen ushyp kelgen 1954 jyly týylǵan, QR azamatyn ustady. Qolǵa túsken kúdiktiniń júkterin tekserý barysynda, odan akýstıkalyq tyńdaýǵa jáne beıneshegendeýge beıimdelgen arnaıy tehnıkalyq qural alyndy. Qazirgi tańda bul tárkilengen zattar boıynsha is júrgizilip, qylmystyq is qozǵalý qarastyrylýda.
