Almatynyń «Qaırat» fýtbol komandasy óz alańyndaǵy oıyndaryna kelýshiler sany boıynsha kósh basyna shyqty
ALMATY. QazAqparat - Fýtboldan Qazaqstannyń Premer-Lıgasynda óner kórsetetin Almatynyń «Qaırat» komandasy óz alańyndaǵy oıyndaryn tamashalaýshy jankúıerleriniń sany boıynsha kóshbasyna shyqty. Bul týraly búgin «Qaırat» fýtbol klýbynyń baspasóz qyzmetinen habarlady.
«Qaırat» komandasynyń óz alańyndaǵy oıyndaryn bıylǵy maýsymda stadıonnan barlyǵy 123 myń adam tamashalaǵan. Ekinshi orynda «Aqtóbe» fýtbol klýby. Aqtóbelikterdiń óz alańynda ótkizgen matchtaryn maýsym barysynda 110 myń 500 adam kórgen. Al Qyzylordanyń «Qaısar» komandasy úshinshi orynda. Qaısarlyqtardyń oıyndaryna 66 myń adam jankúıerlik jasaǵan», - delingen habarlamada.
Sonymen qatar, ÝEFA-nyń Eýropa Lıgasynyń ekinshi raýndynda «Qaırat» pen «Esberg» arasynda ótken matchty bir mezette 19 myń adam tamashalaǵan. Bul - táýelsiz Qazaqstan tarıhyndaǵy absolıýtti rekord.
