Almatynyń qaı ózen-kólderine shomylýǵa bolady

ALMATY. QazAqparat - Almatyda shomylýǵa ruqsat etilgen oryndar belgilendi, dep habarlaıdy QazAqparat tilshisi.

«Almaty aýmaǵynda shomylýǵa ruqsat etilgen 4 oryn belgilendi. Olar - Saıran kóliniń Tóle bı kóshesinen ońtústik baǵytqa 200 metr jyljyǵannan keıingi shyǵys bóligi, Saıran kóliniń batys jaǵy, «Baým baǵy» mańyndaǵy D. Qonaev atyndaǵy úlken Almaty kanalynyń boıy, Gúlder demalys aımaǵy. Osy 4 sý qoımasynan basqa Esentaı, Kishi Almaty ózenderi sııaqty taý ózenderinde sýǵa túsýge tyıym salynady», -dedi TJD baspasóz qyzmetinen.

Mamandar sýda bolatyn tótenshe jaǵdaılardyń aldyn alý úshin birqatar qaýipsizdik erejelerin saqtaýdy suraıdy.

Ruqsat etilmegen jerge shomylýǵa, júze bilmeıtin adamǵa sýǵa túsýge, jaǵalaýdan alysqa ketýge, balalardy eresekterdiń qaraýynsyz qaldyrýǵa, túnde ári mas kúıinde sýǵa túsýge tyıym salynady.