Almatynyń qaı kóshelerine jańa velojoldar salynady

ALMATY. QazAqparat – Almaty qalalyq mobıldilik basqarmasy qaı kóshelerde jańa velojoldar paıda bolatynyn aıtty, dep habarlaıdy QazAqparat tilshisi.

2020 jyldyń qazan aıynyń sońyna deıin velojol belgileri jańarady.

Sonymen qatar veloqaýymdastyqpen kelisilgen jańa velojoldar

1. Manas kóshesiniń Shevchenko men Tımırıazev kósheleri aralyǵynda;

2. Muratbaev kóshesiniń Maqataev pen Shevchenko kósheleri aralyǵynda;

3. Masanchı kóshesiniń Bógenbaı batyr dańǵylynan Abaı kóshesi aralyǵynda;

4.Qarasaı batyr kóshesiniń Masanchı kóshesinen Baıtursynov kóshesine deıingi aralyǵynda jasaqtalady.

Odan bólek, qalalyq mobıldilik basqarmasy Almaty aýmaǵynda veloınfraqurylymnyń damýyna oraı kólik júrýine shekteý sharalaryn jasap jatyr.

«Muratbaev kóshesinde ońtústikke qaraı bir baǵytty qozǵalys engizildi. Joldyń shyǵysynda turaq oryndary saqtaldy», - dedi basqarmadan.

Velojoldar Shevchenko, Maqataev, Qonaev, Baıtursynov, Jarokova Býhtarmınskaıa jáne Ýálıhanov kóshelerinde salyndy.

Búginde Almatyda 82 shaqyrym veloınfraqurylym túzilgen. Orbıta shaǵyn aýdany men Kók bazardy biriktiretin velodáliz jumys istep tur.