Almatynyń qaı kóshelerinde jol apaty jıi bolady
ALMATY. QazAqparat - Almaty Polıtsııa departamenti 2021 jyly eń kóp jol apaty bolǵan qıylystardyń tizimin jarııalady, dep habarlaıdy QazAqparat tilshisi.
Departament taratqan málimet boıynsha, qańtardan sáýirge deıin oryn alǵan kólik apattarynyń basym bóligi bes kósheniń qıylysynda bolǵan:
- Tóle bı men Turǵut Ozal kósheleriniń qıylysy (bes jol apaty, bes adam zardap shekken).
- Abaı dańǵyly men Baıtursynov kóshesiniń qıylysy (tórt apat, tórteýi jaraqat alyp, bireýi kóz jumdy).
- Soltústik aınalma kóshesiniń boıymen «Adem» saýda úıiniń janynda (úsh jol-kólik oqıǵasy, tórteýi jaraqat aldy jáne bireýi mert boldy).
- B. Momyshuly men Móńke bı kósheleriniń qıylysy (eki apat, 10 adam jaraqat aldy).
- Seıfýllın dańǵyly, «MEGA» saýda-oıyn-saýyq ortalyǵynyń mańy (bir jol-kólik apaty, bes adam jaraqat alyp, bireýi kóz jumdy).
