Almatynyń Qala qurylysy keńesiniń jańa quramy bekitildi
ALMATY. QazAqparat - Almatynyń Qala qurylysy keńesiniń jańa quramy bektildi. Bul týraly búgin Almaty qalasy ákiminiń baspasóz qyzmetinen habarlady.
Qala qurylysy Keńesiniń jańa quramy búgin Almaty ákimi Baýyrjan Baıbektiń tóraǵalyǵymen ótken qalalyq máslıhattyń 43-shi sessııasy barysynda bekitildi. Jańa Keńestiń quramyna beıindi memlekettik qurylym basshylarymen qatar, kásipkerler, qala aýdandarynyń ákimderi jáne máslıhat depýtattary endi.
Baýyrjan Baıbek Almatynyń áleýmettik-ekonomıkalyq damýynda kásipkerler qaýymy men metsenattardyń mańyzdy ról atqaratyndyǵyn atap ótti. Onyń aıtýynsha, olardyń qatysýy qalada bıznesti júrgizýge qolaıly jaǵdaı týǵyzýǵa múmkindik beredi. Sondaı-aq, memlekettik baǵdarlamalardy júzege asyrýǵa jeke sektordyń da qatysýyna kómektesedi.
«Búginde memleketimizde bıznes jasampaz kúshke ıe, ol ekonomıkanyń draıveri. Qala qurylysy Keńesi - mańyzdy qurylym. Almatynyń keshendi damýy osy Keńestiń qyzmeti men qabyldaıtyn sheshimderine tikeleı baılanysty. Keıde, ókinishke qaraı, qabyldanyp jatqan sheshimder úılestirilmeıdi jáne aýdan ákimderimen aldyn-ala kelisilmeıdi. Sondyqtan, Keńes quramyna bıznesmender men aýdan ákimderiniń enýi jumystyń sapaly júrgizilýine septigin tıgizedi», - dedi B. Baıbek.
Sonymen, Keńestiń jańarǵan quramyna - Almaty ákimi Baýyrjan Baıbek, qalalyq máslıhattyń hatshysy Qaldybaı Qazanbaev, qala ákiminiń orynbasary Erlan Áýkenov, qala ákimdigi apparatynyń jetekshisi Marat Sembekov, qalalyq máslıhattyń depýtaty Artýr Kotenev, Almaty q. Tabıǵı resýrstar jáne tabıǵatty paıdalanýdy retteý Basqarmasynyń jetekshisi Erkebulan Orazalın, «Qazaq qurylys jáne sáýlet ǵylymı-zertteý
jáne jobalaý ınstıtýty» AQ bas dırektory Nurlan Uranqaev, «Astana Group» JShS prezıdenti Nurlan Smaǵulov, «Capital Partnes» JShS dırektorlar keńesiniń tóraǵasy Serjan Jumashev jáne qalanyń barlyq aýdan ákimderi endi.
