Almatynyń IT-arhıtektýrasy qalaı qalyptasady
«2020 jyly mindetterdiń bir bóligi bilim berý jáne sport salalaryndaǵy IT-sheshimderdi otandyq jetkizýshilerdi izdeýge, sondaı-aq turǵyn úı - kommýnaldyq sharýashylyq salasyn avtomattandyrýǵa degen qajettilikti anyqtaýǵa baǵyttaldy», - dep atap ótti B.Qońyrbaev.
Aıta keteıik, ІT-keńes jumysynyń qorytyndysy boıynsha Almaty ákimi men QR Tsıfrlyq damý, ınnovatsııalar jáne aeroǵarysh ónerkásibi mınıstri «Zerde» holdıngimen birlesip ázirlengen Almatynyń IT -arhıtektýrasyn qalyptastyrýdyń maqsatty josparyna qol qoıǵan bolatyn.
«Josparǵa sáıkes, bilim berý salasy úshin 25 otandyq IT-kompanııa, 17 bilim berý platformasy jáne jabdyqtar men baǵdarlamalyq qamtamasyz etýdiń 8 jetkizýshisi anyqtaldy. Sport salasynda-sporttyń mindetterine qaraı beıimdeýge bolatyn 9 otandyq IT-kompanııa jáne alty bilim berý platformasy bar. TKSh salasynda kommýnaldyq qyzmetterdi barlyq jetkizýshiler boıynsha elektrondyq qujat aınalymynyń biryńǵaı júıesin engizý jáne basqa vedomstvolardyń tıisti derekqorlarymen ıntegratsııalaý arqyly turǵyn úı ıeleri boıynsha derekterdi ózektendirý qajettiligi anyqtaldy»,-deıdi basqarma basshysy.
Sondaı-aq, ol tsıfrlyq transformatsııa protsesterine halyq pen bıznesti tartý deńgeıin arttyrý, memlekettik organdarmen ózara is-qımyl, Almatynyń IT-sektoryna tikeleı ınvestıtsııalar tartý, bıznesti damytý jáne halyqaralyq yntymaqtastyq máseleleri qaralatynyn tilge tıek etti.
