Almatynyń ishindegi qoǵamdyq kólik baǵyttary tek zamanaýı tehnıkalary bar parkterge ǵana beriledi-Ahmetjan Esimov
ALMATY. 22 jeltoqsan. QazAqparat /Erbol Azanbek/ - Qala ákimi Ahmetjan Esimovtyń aıtýynsha, qazirgi kezde jolaýshylar tasymaldaýda trolleıbýstardyń úlesi 9 paıyz kóleminde ǵana.
«Áıtse de trolleıbýstar elektr energııasymen, ıaǵnı tútinsiz júredi. Bul qala ekologııasy úshin óte qajetti. Sondyqtan bolashaqta biz Eýro-3, Eýro-4 talaptaryna jaýap beretin, gaz nemese elektr energııasymen júretin zamanaýı qoǵamdyq kólikteri bar parkterge ǵana qala ishindegi baǵyttarmen júrýge ruqsat beremiz»,- dedi A. Esimov búgin Almatyda gazben júretin avtobýstardyń tanystyrylýy rásiminde.
Budan buryn habarlaǵanymyzdaı, Almatyǵa gazben júretin alǵashqy 20 avtobýs ákelindi. Búgin olardyń tanystyrylymy ótip, qala ákimi Ahmetjan Esimov qoǵamdyq kóliktiń osy túrine otyrǵan alǵashqy jolaýshylardyń biri boldy.
