Almatynyń irgesindegi topyraq kóshkini qora-qopsyny basyp qaldy
ALMATY. QazAqparat - Almaty irgesinde topyraq kóshkini qora-qopsyny basyp qaldy, dep habarlaıdy QazAqparat.
«Qazseldenqorǵaý» mekemesiniń habarlaǵanyndaı, Talǵar aýdanynda plotınadan 1 shaqyrym joǵary aýmaqta topyraqtyń shekten tys ylǵaldanýy saldarynan sary topyraq kóshken. Laı massasy jekemenshik saraı men «Qazseldenqorǵaý» mekemesiniń beketin basyp qaldy.
Mamandardyń aıtýynsha, kóshken topyraqtyń kólemi 3500 tekshe metr.
Aıta ketý kerek, búgin de Almatynyń tótenshe jaǵdaılar qyzmeti eskertý jarııalaǵan bolatyn. Búgin-erteń aımaqta nóser jaýady dep boljanyp otyr.
