Almatynyń irgesinde gıdroelektrstantsııa zaýyty salynýy múmkin - UǴA
Qala ákimi Erbolat Dosaevtyń bastamasymen QR Prezıdentiniń janyndaǵy Ulttyq ǵylym akademııasy ózekti máselelerdi sheshetin 50-ge jýyq ǵylymı jobany qarastyrǵan. Іriktelip alynǵan 11 joba ákimdiktiń talqysyna túsip, keıbiri oń baǵalanypty.
Sonyń biri – elektr energııasy tapshylyǵynyń aldyn alatyn shaǵyn gıdroelektrstantsııa zaýyty. Bul ınnovatsııalyq eńbektiń avtory jobany sheteldik ınvestorlarǵa tanystyryp, kelissóz de júrgen. Qala basshysy jobany qoldaýǵa daıyn ekenin aıtady. Zaýyt Almatynyń irgesinen salynýy múmkin.
Ǵalymdar atalǵan zaýyt arqyly ishki qajettilikti qamtyp qana qoımaı, shet memleketterge eksportqa shyǵaryp, ekonomıkaǵa serpin berýge bolatynyn aıtady. Bul joba óndiriske aınalǵan kúni otandyq ǵylym bir saty joǵary kóterilmek.
Qoldaý tapqan taǵy bir joba qaladaǵy kólik júıesiniń Sergek Digital Twin tsıfrly kóshirmesi kólik jáne jaıaý júrginshiler týraly aqparat jınaýǵa negizdelgen. Bul joba ıntellektýaldy baǵdarlamalyq keshendi jınaqtaýǵa múmkindik beredi. Polıtsııa júıesiniń jumysyna kedergi keltirmesten aqparatty tolyqqandy óńdeý múmkindigi mol.
«Aldyńǵy qatarly halyqaralyq táýekelderdi baǵalaý baǵdarlamalaryn paıdalana otyryp, jol qaýipsizdigin arttyrý» jobasy joldy bir jáne bes juldyzdy tásilmen baǵalaıdy. Joba avtorlary jol sapasyn baǵalaıtyn halyqaralyq iRAP baǵdarlamasyn elimizge ıkemdep, QazRAP baǵdarlamasyn engizý qajettigin jetkizdi. Elimizdegi jol qaýipsizdigi máseleleri boıynsha zertteýler júrgizý, jol-kólik apattarynyń sanyn tómendetý, ólim-jitimdi boldyrmaý maqsatynda kólik qozǵalysyn ǵylymı turǵydan zerttep qana qoımaı, basqarýdyń zııatkerlik júıelerin ázirleýmen aınalysý kezek kúttirmeıtin máselege aınalyp otyr.
QR UǴA usynǵan jobalardyń tájirıbelik úlgileri, zamanaýı jabdyqtalǵan zerthanalary, praktıkalyq bazalary, tsıfrlyq jyljymaly zerthanalary bar, ıaǵnı kommertsııalandyrýǵa daıyn. Qaı-qaısysy da qolaıly orta qalyptastyrýda tıimdi», - delingen UǴA baspasóz málimdemesinde.
