Almatynyń ınfektsııalyq statsıonarlarynda tósek-oryn tapshylyǵy joq - dáriger
ALMATY. QazAqparat – Qazirgi ýaqytta Almatynyń ınfektsııalyq statsıonarlarynda tósek-oryn tapshylyǵy joq. Bul týraly óńirlik kommýnıkatsııalar qyzmetiniń onlaın brıfınginde Almaty qalasynyń qoǵamdyq densaýlyq saqtaý basqarmasynyń ókili, joǵary medıtsınalyq kolledj dırektory Svetlana Sultanǵazıeva málim etti, dep habarlaıdy QazAqparat tilshisi.
Svetlana Sultanǵazıevanyń aıtýynsha, búginde tósek-oryndardyń 59 %-y bos emes, olarda 3872 patsıent emdelýde, barlyǵy 6100 tósek-oryn bar. Almatynyń ınfektsııalyq statsıonarlarynda tósek-oryn tapshylyǵy joq.
«Almatyda ambýlatorııalyq em qabyldap jatqan 6011 naýqas bar, onyń 1150-i sımptomsyz. Jyldyń basynda qalada 500 naýqas ambýlatorııalyq em alǵan. ıAǵnı, qazirgi ýaqytta epıdemıologııalyq jaǵdaı ýshyǵyp barady.
«Almatyda Anestezıologııa jáne reanımatsııa ortalyǵy quryldy, oǵan medıtsınalyq ýnıversıtetterdiń professorlyq-oqytýshylyq quramy kiredi. Ǵylymı qyzmetkerlerden turatyn mobıldi top barlyq ınfektsııalyq statsıonarlarǵa barady, patsıentterdi tekserýge kómektesedi, emdeýdi túzetedi jáne dárigerlerge qashyqtyqtan kómek kórsetedi»,-deıdi qalalyq densaýlyq saqtaý basqarmasynyń ókili.
Spıker qazirgi ýaqytta turǵyndarǵa qalada vaktsınalardyń bar-joǵyna alańdaýshylyq týdyrýdyń qajettiligi joq ekenin aıtty, barlyq egý pýnktterinde vaktsına jetkilikti.
«Almatyǵa koronavırýsqa qarsy vaktsınanyń birinshi komponentiniń 175 250 dozasy, ekinshi komponentiniń 59 650 dozasy jetkizildi. Egý pýnktiniń ornalasqan jerin qoǵamdyq densaýlyq saqtaý basqarmasynyń saıtynan, sondaı-aq 3000-505 jáne 1312 telefondary arqyly bilýge bolady. Sondaı-aq, vaktsınatsııadan keıin temperatýra kóterilgen jaǵdaıda osy nómirlerge qońyraý shalý kerek»,- dedi ol.
Spıkerdiń keltirgen málimetterine sáıkes, ótken senbi (10 sáýir) Almatyda 11 myń adam, jeksenbi kúni (11 sáýir) 6140 turǵyny vaktsına saldyrǵan. Vaktsınatsııa bastalǵaly barlyǵy 75 660 adam ekpe aldy. Onyń ishinde eki komponentin 14 800 adam saldyrǵan.
