Almatynyń ınfektsııalyq statsıonarlarynda qansha adam emdelýde

ALMATY. QazAqparat - Almaty ákimi Baqytjan Saǵyntaev ınfektsııalyq statsıonarlardyń jaǵdaıyn tekserdi, dep habarlaıdy QazAqparat tilshisi.

Almaty ákimi I.Jekenova atyndaǵy Juqpaly aýrýlar aýrýhanasynyń fılıalyna bardy.

Munda koronavırýspen aýyratyn 199 emdelýshi bar. Statsıonarda 500 tósek bolsa, onyń 45-i reanımatsııa jáne qarqyndy terapııa bóliminde.

№ 12 jáne 7 qalalyq klınıkalyq aýrýhanalarynda B.Saǵyntaev KVI juqtyrǵandardy qabyldaý qalaı júrgiziletinin bildi. Bas dárigerler kovıd bólimsheleriniń jumysy jalpy medıtsınalyq kómek kórsetýmen qatar júrgiziletinin aıtty. Qazirgi tańda kovıdtik statsıonarlarda 9 340 tósek-oryn bar, onyń 3 310-y bos emes, rezervte 6 030 oryn bar.

Qala ákimine Ortalyq qalalyq klınıkalyq aýrýhanalar bazasynda ashylǵan Telemedıtsına ortalyǵynyń jumysy týraly da baıandaldy. TMO mamandarynyń baqylaýynda 10 188 patsıent bar. Bul san aǵymdaǵy jyldyń 1-20 qańtar aralyǵynda 20 ese ósken.

Sondaı-aq KVI-di emdeý boıynsha usynymdar berý úshin emdelýshilerge kúnine orta eseppen 5 myń qońyraý shalynady. 20 qańtarda 8 458 qońyraý soǵylyp, naýqastardyń jaǵdaıy suraldy.

Budan bólek, Baqytjan Saǵyntaev №7 aýrýhana bazasynda ornalasqan KVI-ǵa qarsy vaktsınalardyń qalalyq qoımasyna bardy. Qoıma men egý pýnkterinde Sinopharm vaktsınasynyń 207 733, QazVac vaktsınasynyń 176 349, Pfizer preparatynyń 254 782 dozasy bar.