Almatynyń ındýstrıaldy aımaǵynda 19 joba júzege asyryldy

ALMATY. QazAqparat - Indýstrııalyq aımaq Alataý aýdanynyń basty ónerkásiptik áleýetine aınaldy. Bul týraly aýdan ákiminiń orynbasary Ertis Besirov Óńirlik kommýnıkatsııalar qyzmetiniń brıfınginde aıtty, dep habarlaıdy QazAqparat tilshisi.

«Indýstrııalyq aımaq aýdannyń basty ónerkásiptik áleýetine aınaldy. Búginde quny 114,7 mlrd teńge bolatyn 19 joba iske asyryldy, 519,1 mlrd teńgege ónim óndirildi», - dep atap ótti Ertis Besirov.

Sonymen qatar, ol 2022 jyldyń 6 aıynda Alataý aýdany boıynsha memlekettik bıýdjetke 35,4 mlrd teńge túskenin atap ótti.

«Onyń ishinde respýblıkalyq bıýdjetke – 17,4 mlrd teńge, jergilikti bıýdjetke – 17,9 mlrd teńge. Negizgi kapıtalǵa salynǵan ınvestıtsııalar 52,4 mlrd teńgege jetti. Jyl basynan beri 3 516 jumys orny ashyldy»,- deıdi spıker.

Aıtýynsha, jyl sońyna deıin taǵy 6 joba iske qosylady.