Almatynyń erekshe mártebesi týraly zańy: Aǵashtar qalaı otyrǵyzylatyn bolady
ALMATY. QazAqparat – «Almatynyń erekshe mártebesi týraly zańy» aıasynda jasyl jelekti kútip baǵý erejelerin bekitý Almaty ákimdiginiń quzyryna berildi, dep habarlaıdy QazAqparat tilshisi.
Almaty ákiminiń orynbasary Muhıt Ázirbaevtyń aıtýynsha, bul ózgeris qaladaǵy jasyl jelek qoryn saqtaýǵa múmkindik bermek.
«Bul erejelerge ótemaqy retinde otyrǵyzylatyn jasyl jelektiń sapasy men kólemi, ony jańartý, sanıtarlyq kesý, baǵyp kútý boıynsha birqatar normalar kirgiziledi», - dedi Muhıt Ázirbaev.
Jeke jáne memlekettik kásiporyndar jasyl jelek otyrǵyzatyn kezde quzyrly organ mamandarynyń usynysyn eskeretin bolady.
«Osy erejeler aǵashtardy qaıda otyrǵyzý kerektigine baılanysty. Qalanyń qaı óńirine qylqanjapyraqty, qaı óńirine basqa aǵashtardy otyrǵyzý kerektigine osy erejelerde bekitip jazǵymyz keledi. Qalany baqqa aınaldyrý úshin tártip kerek. Jekelegen kásiporyndar men kompanııalar da oıyna kelgen aǵashty otyrǵyzbaı belgili bir táptippen otyrǵyzý kerek», - dedi ákimniń orynbasary.
Odan bólek jasyl ekonomıka salasynda jańa tehnologııalardy yntalandyrý úshin sharalar qoldanylmaq. Jańa tehnologııalar usynǵan kompanııalarǵa sý resýrstaryn paıdalanǵany úshin, qoqysty shyǵarǵany úshin, atmosferany saqtaý úshin tólenetin salyqqa jeńildik qarastyrylady.
Aıta ketý kerek, búgin brıfıng barysynda Almaty qalasynyń erekshe mártebesi týraly zańnan qandaı ózgerister kútiletini jaıly aıtyldy.
