Almatynyń «elektrondyq úkimet» portalynda ýaqytsha qoljetimsiz qyzmetterdiń tizimi jarııalandy
Bul týraly QR Memlekettik qyzmet isteri agenttiginiń Almaty qalasy boıynsha departamentinen málim etti, dep habarlaıdy QazAqparat tilshisi.
Vedomstvonyń málimetinshe, búgingi kúni Kásipkerlik basqarmasynyń barlyq 28 memlekettik qyzmeti men Jasyl ekonomıka basqarmasynyń 11 qyzmeti qoljetimsiz.
Sondaı-aq, kelesi memlekettik organdardyń qyzmetteri qoljetimsiz:
Bilim basqarmasynda – 3 qyzmet («Bilim berý uıymdaryna qujattardy qabyldaý jáne oqýǵa qabyldaý», «Negizgi orta, jalpy orta bilim berý týraly qujattardyń telnusqalaryn berý» jáne №80, 118, 172, 29, 98, 20, 59, 61 mektepterinde «Bastaýysh, negizgi orta, jalpy orta bilim berý uıymdaryna densaýlyǵyna baılanysty uzaq ýaqyt boıy bara almaıtyn balalardy úıde jeke tegin oqytýdy uıymdastyrý úshin qujattar qabyldaý»;
Sport basqarmasynda – 2 qyzmet («Jergilikti sport federatsııalaryn akkredıtteý» «Qazaqstan Respýblıkasynyń sport sheberligine kandıdat, 1-razrıadty sportshy cporttyq razrıadtaryn berý»;
Áleýmettik ál-aýqat basqarmasynda – 2 qyzmet («Memlekettik ataýly áleýmettik kómek taǵaıyndaý» ı «Turǵyn úı kómegin taǵaıyndaý»);
Turǵyn úı saıasaty basqarmasynda – 1 qyzmet («Turǵyn úı qorynan turǵyn úıge muqtajdardy kezekke qoıý»).
Mádenıet basqarmasynda – 1 qyzmet («Mádenı qundylyqtardy ýaqytsha áketý quqyǵyna kýálik berý»);
Odan bólek, Mádenıet basqarmasy men «Almaty qalasynyń memlekettik muraǵaty» KMM-niń 3 memlekettik qyzmetin kórsetý qyzmetti berýshiniń keńsesi arqyly ýaqytsha qaǵaz túrinde júzege asyrylady («Arhıvtik anyqtamalar, arhıvtik qujattardyń kóshirmelerin nemese arhıvtik úzindiler berý» (Almaty q., Shýlanova kóshesi, 159), «Kórkemónerpazdar ujymdaryna «Halyqtyq» nemese «Úlgili» ataǵyn berýge ótinimderdi qabyldaý» «Memorıaldyq taqtalardy ornatýǵa ruqsat berý» (Almaty q., Dostyq dańǵyly, 56).
Aýdan ákimdikteriniń memlekettik qyzmetteri boıynsha sporttyq razrıadtar berý, azamattardy áskerge shaqyrýdy keıinge qaldyrý jáne áskerge shaqyrýdan bosatý boıynsha 3 qyzmet qoljetimsiz.
«AHAT memlekettik qyzmetterin qala azamattary HQKO-nyń aýdandyq bólimderinen ala alatynyn habarlaımyz.
Almaty qalasy tsıfrlandyrý basqarmasynyń aqparatyna sáıkes, joǵaryda atalǵan memlekettik qyzmetterdi «elektrondyq úkimet» portaly arqyly kórsetý jaqyn arada qalpyna keltiriledi»,- delingen habarlamada.
Aıta keteıik, qazirgi tańda memlekettik kórsetiletin qyzmetter tizilimine sáıkes, qalanyń jergilikti atqarýshy organdary memlekettik qyzmetterdiń 167 túrin kórsetedi.
