Almatynyń eki mektebinde sanıtarlyq normalar saqtalmaǵan
ALMATY. QazAqparat - Almatyda sanıtarlyq normalardyń saqtalýyn baqylaý maqsatynda jalpy bilim beretin mektepterdi tekserý jalǵasýda, dep habarlaıdy QazAqparat tilshisi.
Qalalyq bilim berý basqarmasy men sanıtarlyq-epıdemıologııalyq baqylaý departamenti ókilderinen quralǵan jumys toby sońǵy aptada 15 bilim berý uıymynda sanıtarııalyq talaptardyń saqtalýyn tekserip shyqty.
Almaty qalalyq sanıtarlyq-epıdemıologııalyq baqylaý departamentiniń málimetinshe, tekserý nátıjesinde zań buzýshylyqtar eki mektepten anyqtaldy.
Bir bilim berý mekemesinde dálizder men baspaldaq alańdarynda áleýmettik qashyqtyq belgileri bolmaǵan jáne oqý sabaqtaryn júrgizý rejımi saqtalmady (sabaq jáne úzilis ýaqyty eki synyp úshin birdeı boldy). Taǵy bir bilim berý uıymynda kvartstaý erejesi saqtalmaǵan.
Monıtorıng tobynyń ókilderi barlyq mektep ákimshiligimen sanıtarııalyq-aǵartý jumystaryn júrgizdi.
Sondaı-aq, osy kúnderi mektepterge jospardan tys tekserýler de júrgizildi. Nátıjesinde qyzmetkerler men oqýshylardyń maska rejımi men áleýmettik araqashyqtyqtyń saqtamaǵandyǵy, sondaı-aq synyp bólmelerinde jeldetý rejımi saqtalmaýy jáne taǵy basqa da buzýshylyqtar anyqtaldy.
Jospardan tys tekserý barysynda anyqtalǵan buzýshylyq faktileri boıynsha 379 210 teńge mólsherinde 2 aıyppul salyndy, buzýshylyqtardy joıý týraly uıǵarym berildi.
