Almatynyń eki aýdanyndaǵy ǵımarattarda sý bolmaıdy
ALMATY. QazAqparat – Almatynyń eki aýdanyndaǵy birqatar ǵımaratta birneshe saǵat boıy sý bolmaıdy, dep habarlaıdy QazAqparat.
«10 naýryz kúni Medeý aýdanyndaǵy turǵyn úıler men ózge de ǵımarattarǵa saǵat 9:00-den 17:00-ge deıin sýyq sý berilmeıdi. 11 naýryz kúni Almaly aýdanynda, Maqataev-Raıymbek-Qojamqulov-Seıfýllın kósheleri men Jetisý aýdanynyń Raıymbek – 2-ıa Goncharnaıa – Qazybaev – Lobacheskıı – Aqbaev – Seıfýllın kósheleriniń ortalyǵynda ornalasqan turǵyn úıler men ǵımarattarǵa sý berý toqtatylady. Sýdyń berilmeý sebebi jańa sý qubyry jelisiniń qosylýyna baılanysty qolǵa alynyp otyrǵan shara»,-dep habarlady. «Almaty sý» MQK ókilderi.
Kompanııa ókilderiniń aıtýynsha, sý berý toqtatylǵan kezde densaýlyq saqtaý, bilim berý sııaqty ózge de áleýmettik sala ǵımarattaryna sý avtotsısternalarmen jetkiziledi.
