Almatynyń eki aýdanynda ýaqytsha sýyq sý bolmaıdy
ALMATY. QazAqparat – Jetisý jáne Áýezov aýdanyna qarasty birqatar turǵyn úıler men ózge de ǵımarattar sýyq sýdan ajyratylady. Bul týraly «Almaty sý» memlekettik kommýnaldyq kásiporny málim etti, dep habarlaıdy QazAqparat tilshisi.
27 tamyz kúni tańǵy saǵat 9:00-den keshki saǵat 20:00-ge deıin Jetisý aýdanyna qarasty «Aınabulaq– 4» yqshamaýdanyndaǵy turǵyn úıler men basqa da nysandarda sýyq sý bolmaıdy
«Sýyq sýmen jabdyqtaý qyzmetine shekteýler jańa sý qubyrlaryn magıstraldyq jelilerge qosý úshin engizildi», - dep atap ótti «Almaty sý» MKK.
Sonymen qatar, 27 tamyz kúni tańǵy saǵat 9:00-den túngi saǵat 22:00-ge deıin Áýezov aýdanynda ornalasqan: Zapadnaıa, Vıshnevaıa, Grýshovaıa, Yqylas kósheleri men «Taýgúl–3» yqshamaýdanynda ornalasqan turǵyn úıler men ákimshilik ǵımarattarǵa sýyq sý berý toqtatylady.
