Almatynyń eki aýdanynda sýyq sý bolmaıdy

ALMATY. QazAqparat – Alataý jáne Túrksib aýdanyna qarasty birqatar turǵyn úıler men ózge de ǵımarattar sýyq sýdan ajyratylady, dep habarlaıdy QazAqparat tilshisi.

Bul týraly «Almaty sý» memlekettik kommýnaldyq kásiporny málim etti.

«11 tamyz kúni tańǵy saǵat 9:00-den keshki 18:00-ge deıin Alataý aýdanyna qarasty «Zerdeli», «Nurkent», «Almaly», «Alataý Sıtı» men Atletıkalyq aýylynda ornalasqan turǵyn úıler men basqa da nysandarda sýyq sý bolmaıdy. Sonymen qatar, 13 tamyz kúni tańǵy saǵat 9:00-den keshki 20:00-ge deıin Túrksib aýdanyndaǵy Sholohov-Erjanov-Osıpenko-Saýranbaev kósheleriniń boıynda ornalasqan úıler sýyq sýdan ajyratylady», dep habarlaıdy «Almaty sý».

Áleýmettik nysandarǵa sý tapsyrys boıynsha syrttan jetkiziletin bolady.

«Almaty sý» MKK ýaqytsha qolaısyzdyqtarǵa túsinistikpen qaraýdy ótinedi.