Almatynyń eki aýdany men Almaty oblysynyń birneshe aýylyna sý berý toqtatylady
ALMATY. QazAqparat – Almatynyń Túrksib, Medeý aýdandary men Almaty oblysynyń birneshe aýyly eki kúnge sýyq sýdan ajyratylady, dep habarlaıdy QazAqparat tilshisi.
«18-20 maýsym aralyǵynda Túrksib jáne Medeý aýdanynda ornalasqan birneshe ǵımarat pen úıler sýyq sýdan ajyratylady. Sondaı-aq, osy ýaqytta «Atyraý», «Nurshashqan» shaǵynaýdandary jáne Hmelnıtskıı-Gete-Bekmahanov-Maılın kósheleriniń boıyndaǵy turǵyn úıler men basqa da ǵımarattarǵa sý berilmeıdi»,– dep habarlady «Almaty Sý» kompanııasy.
Sonymen qatar, Qulja tas jolynyń boıynda ornalasqan nysandarǵa sýyq sý berý toqtatylady. Talǵar aýdanyna qarasty Gúldala, Belbulaq, Besaǵash aýyldary da ýaqytsha sýdan ajyratylady.
Tapsyrys boıynsha densaýlyq saqtaý jáne áleýmettik nysandarǵa sý tasymaldanady.
«Sýyq sýmen jabdyqtaý qyzmetine shekteýler Qulja trassasyndaǵy sý jelilerin aýystyrý jumystarynyń ekinshi kezeńi aıasynda engizildi» dep atap ótti «Almaty Sý».
