Almatynyń dári-dármek naryǵyndaǵy jaǵdaı turaqty- ákimdik
ALMATY. QazAqparat - Qala ákimi Baqytjan Saǵyntaevtyń tapsyrmasy boıynsha Almaty statsıonarlarynyń, emhanalary men dárihanalarynyń dári-dármek quraldarymen jáne medıtsınalyq maqsattaǵy buıymdarmen qamtamasyzdyǵyna apta saıyn monıtorıng júrgizilip otyrady.
Búgingi kúni, koronavırýs ınfektsııasyn emdeýge arnalǵan preparattar qalanyń barlyq dárihanalarynda bar. Qamtamasyzdyq shamamen 90%-dy quraıdy, dárihana qoımalarynda 1 mln-nan astam (1037 myń) dári bar.
Budan basqa, naryqty tolyqtyrý úshin Turaqtandyrý qory qarajattarynyń esebinen qala dárihanalaryna dári-dármek preparattaryn jetkizý jalǵasýda. Qazirgi ýaqytta, ákelýge josparlanǵan 40,1 mln dári-dármek quraldary men medıtsınalyq maqsattaǵy buıymdardyń qalaǵa jetkizilgeni 47,2 mln (118%), 23,4 mln satyldy, qoldaǵy bary 23,8 mln onyń ishinde, azaımaıtyn qaldyǵy 8 mln. Osylaısha, qalada nyqtylyqtyń eki aılyq qory qalyptastyryldy.
Qala dárihanalarynyń medıtsınalyq betperdelermen qamtamasyzdyǵy 95 paıyz. Almatyda 6 iri otandyq kompanııa jumys isteıdi, onyń birlesken óndiristik qýaty kúnine 1 mln betperdege deıin jetedi. Qala dárihanalaryna maska kún saıyn kelip túsedi.
Qoımalarda shamamen 456 myń termometr, onyń ishinde, dárihanalarda — 7590 dana, jabdyqtaýshyda (BIOLA) 448 245 dana bar. Aqpanda qosymsha 150 myń termometr jetkiziledi dep kútilýde.
Jalpy alǵanda, Almatyda dári-dármekke, sondaı-aq medıtsınalyq betperdelerge degen joǵary suranys baıqalmaıdy. Jaǵdaı turaqty.
