Almatynyń dál ortasynda úsh jigit jasóspirimdi tonap ketti
ALMATY. QazAqparat – Almatyda 16 jastaǵy jasóspirimge tap bergen úsh jigit ustaldy. Úsheýi jas balanyń uıaly telefonyn tartyp alyp ketken, dep habarlaıdy QazAqparat tilshisi.
Qylmys qalanyń dál ortasynda – Medeý aýdanynyń kópqabatty úıleriniń aýmaǵynda tirkelgen.
«Olar óz jaıymen ketip bara jatqan jasóspirimdi kórip qalyp, onyń zatyn tonap ketpek bolǵan. Alaıda balanyń qaltasynda tek uıaly telefony bolǵan. 19 jáne 20 jastaǵy úsh jigit zorlyqpen álgi balanyń «Galaxy J4+» markaly uıaly telefonyn tartyp alǵan», - dedi Almaty qalasynyń Medeý aýdandyq polıtsııa basqarmasynyń bastyǵy, polıtsııa maıory Bolat Totybaev.
Zardap shekken balanyń ákesi aqyry polıtsııaǵa aryz túsirgen. Osydan keıin-aq jedel kúshter qaraqshylardy ustaýǵa jumyldyrylǵan. Jábirlenýshige keltirilgen zııan 80 myń teńge ekeni belgili bolyp otyr.
Qazirgi ýaqytta QR Qylmystyq Kodeksinń 191-baby, 2-bóligi boıynsha sotqa deıingi tergeý amaldary júrgizilýde. Ustalǵan úsh kúdiktiniń esimderi belgili boldy. Úsheýi de Almaty qalasynyń Polıtsııa departamentine qarasty ýaqytqa oqshaýlaǵyshyna qamaldy.
