Almatynyń botanıkalyq baǵynda sıren gúldedi
ALMATY. QazAqparat – Almatyda botanıkalyq baqtyń «Sırıngarıı» kollektsııalyq ýchaskesinde tarıhta alǵash ret kúzdińgúni sıren gúldedi, dep habarlaıdy QazAqparat tilshisi.
18 qazanda botanıkalyq baqtyń Instagram paraqshasynda tabıǵattyń erekshe qubylysy týraly vıdeo jarııalandy.
ıAǵnı, baqtyń «Sırıngarıı» kollektsııalyq ýchaskesinde alǵash ret sıren beımezgil gúldedi.
«Ýchaskeniń kýratory Vıktor Degtev jaqynda isingen búrshikterdi baıqaǵan, alaıda, jaıqalyp gúl jaıady dep kútken joq. Sırenniń sortty emes, jabaıy túrleri gúldedi. Mamandar kúzde sırenniń gúldeýin qazan aıyndaǵy anomaldy jyly aýa raıymen baılanystyrady. Al, biz tabıǵattyń erekshe qubylysyna kýá bolǵanymyzǵa qýanyshtymyz», - delinedi vıdeo astyndaǵy jazbada.
Sondaı-aq, vıdeo avtorlarynyń málimetinshe, botanıkalyq baqta sırenniń Qazaqstandaǵy eń iri jáne Ortalyq Azııadaǵy jalǵyz kollektsııasy bar.
Ýchaskeniń aýmaǵy – 1,8 ga. Qazirgi ýaqytta kollektsııada álemdik jáne qazaqstandyq selektsııanyń 23 túri men 107 sorty ósiriledi.
«Onyń ishinde 20-dan astam gıbrıd pen kóshetterdi bizdiń baqtyń ǵylymı qyzmetkerleri ósirdi. Kollektsııada barlyǵy 2000-nan astam sıren butasy bar. Bıylǵy jyldyń kókteminde gúldeý kezinde biz «Sırıngarııa» boıynsha eksklıýzıvti serýender ótkizdik, onda kelýshiler baqtaǵy sırenniń barlyq túrimen tanysty. Kelesi kóktemde biz bul serýenderdi qaıtadan bastaýdy josparlap otyrmyz, sebebi, sırenniń gúldeýin kórgisi keletinder óte kóp», - delinedi habarlamada.
