Almatynyń Bostandyq aýdanynda avtojoldy ishinara sý basty
ALMATY. QazAqparat - Búgin, 10 maýsymda, saǵat 18-diń shamasynda Bostandyq aýdanynda Alma-Arasanǵa baratyn jolda Úlken Almaty ózeniniń sý deńgeıi kóterilip, Dýlatı kóshesinde avtojoldy ishinara sý basty. Bul týraly Almaty TJD resmı ókili Sandýǵash Baımuhambetova habarlady.
«Sý joldyń ústin basyp, tómen qaraı óziniń arnasyna qaıtty. Sý basý qaýpi joq. Qazirgi kezde tútikti ótkel alynyp tastalyp, adamdar men tehnıkanyń ótýi úshin ýaqytsha kópir jasalyp, beton bloktar salyndy», - dep habarlady ol.
Apattyq-qalpyna keltirý jumystaryna 39-dan astam adam tartyldy, oqıǵa ornynda «Qazselden qorǵaý» mekemesiniń jáne «Almaty Sý Holdınginiń», sondaı-aq Almaty TJD-nyń mamandary jumys isteýde.
