Almatynyń Bostandyq aýdanyna jyl basynan beri 30 mlrd teńge ınvestıtsııa tartyldy
ALMATY. QazAqparat - Almatyda 1 tamyz - 1 qyrkúıek aralyǵynda «Almaty Sales Festival» Jeńildikter festıvaliniń ekinshi maýsymy ótedi. Bul shara EKSPO-2017 is-sharasyn ótkizýge oraılastyrylǵan, sondaı-aq, ol qazaqstandyq jáne sheteldik týrısterge arnalǵan týr-toptamaǵa engizilgen, dep habarlaıdy QazAqparat Almaty qalasy Kásipkerlik jáne ındýstrıaldy-ınnovatsııalyq damý basqarmasyna silteme jasaı otyryp.
Týr-toptamaǵa Almatynyń saýda oıyn-saýyq ortalyǵyndaǵy satylymmen qatar, qalanyń mádenı-sporttyq is-sharalaryna qatysý josparlanǵan. Bul týraly aýdan ákimi Bekqalı Torǵaevtyń jáne Bostandyq aýdany bıznes ókilderiniń qatysýymen ótken II-shi ınvestıtsııalyq forýmynyń barysynda belgili boldy.
«Jalpy alǵanda, aýdan ınvestıtsııalardy tartý jóninde oń kórsetkishterdi kórsetip otyr. Jyldyń basynan beri aýdanda shamamen 30 mlrd. teńge ınvestıtsııa ıgerildi, onyń 14%-y sheteldik ınvestıtsııalar», - dedi aýdan ákimi.
Budan basqa, ınfraqurylymdy damytý boıynsha belsendi jumys júrgizilýde. Atap aıtqanda, Bostandyq aýdanynda úsh kóp páterli turǵyn úı keshenderiniń qurylysy josparlanyp otyr. Sonymen qatar, aýdandaǵy Ermensaı-2/2 shaǵynaýdanynda mamandandyrylǵan jeke mektep qurylysyn salý jáne jalpy alańy 54,4 gektardy quraıtyn «Atakent» Qazaqstannyń iskerlik yntymaqtastyq ortalyǵynyń aýmaǵyn qaıta qurý jumysy bastalady.
Sondaı-aq, dat sáýletshisi ıAn Geıldyń tujyrymdamasynyń sheńberinde aýdandaǵy «ıÝjnyı» saıabaǵy, Qazaqstan Respýblıkasy Tuńǵysh Prezıdentiniń saıabaǵy (velojoldar, sýarmaly sý qubyrlary, jaryq berý jelileri), Baıseıitova kóshesindegi «Jas Qanat» shaǵyn baǵy kórkeıtiledi.
