Almatynyń birneshe yqshamaýdanynda sýyq sý bolmaıdy
ALMATY. QazAqparat – Áýezov aýdanyna qarasty birqatar turǵyn úıler men ózge de ǵımarattar sýyq sýdan ajyratylady, dep habarlaıdy QazAqparat tilshisi.
Bul týraly «Almaty sý» memlekettik kommýnaldyq kásiporny málim etti.
«11 naýryz kúni tańǵy saǵat 9 :00 –den keshki saǵat 20:00 – ge deıin «Aqsaı-1, 2, 3» shaǵynaýdandarda ornalasqan turǵyn úıler men basqa da nysandardy salqyn sýmen qamtamasyz etý shekteledi. Sýyq sý berý ýaqytsha toqtatylady: Aqsaı-1 yqshamaýdanynda №№ 1-8 jáne №№ 11-25 úılerde; Aqsaı-2 yqshamaýdanynda №№ 1- 76 úıde; Aqsaı-3 yqshamaýdanynda №№ 1-36 úılerde, sondaı-aq № 42, № 121, № 133 mektepterde, № 28, № 50, № 52, № 74, № 111 jáne № 144 bala baqshalarda sý bolmaıdy»,– dep habarlaıdy «Almaty sý».
Áleýmettik jáne jalpy bilim berý nysandaryna sý tapsyrys boıynsha syrttan jetkiziletin bolady.
Bul ýaqyt aralyǵynda sýyq sýmen qamtý oryndarynda bekitý armatýrasy aýystyrylatyn bolady.
