Almatynyń birneshe shaǵyn aýdanynda sýyq sý bolmaıdy
ALMATY. QazAqparat – Erteń Almatynyń bes shaǵyn aýdanynda bir kún sýyq sý bolmaıdy, dep habarlaıdy QazAqparat tilshisi «Almaty sý» memlekettik qazynalyq kásipornyna silteme jasap.
23 qańtar kúni tańǵy saǵat 8:00-den keshki 20:00-ge deıin M.Áýezov aýdanynyń № 6, 9, 10, 10-A, 11 shaǵyn aýdanynda ornalasqan turǵyn úıler men ákimshilik ǵımarattarǵa sýyq sý berý toqtatylady.
«Sýdy óshirý magıstral jelilerine jańa sý qubyrlaryn qosý úshin jáne jelidegi tehnologııalyq qural-jabdyqtardy aýystyrý úshin qajet», - dep habarlady «Almaty sý» kásiporny.
«Almaty sý» kásiporny ýaqytsha qolaısyzdyqqa túsinistikpen qaraýdy suraıdy.
