Almatynyń birneshe aýdanynda sýyq sý berý toqtatylady
ASTANA. QazAqparat - Almaty qalasynyń birneshe sektorynda sýyq sý berý qysqa merzimge shektelmek. Bul týraly «Almaty Sý» MKK málim etti, dep habarlaıdy QazAqparat tilshisi.
«Japqysh-retteýshi qurylǵylardy aýystyrý men olardy qondyrý jónindegi josparlanǵan jumystardy júrgizý qajet bolǵandyqtan, 17 mamyr kúni saǵat 09:00-den saǵat 20:00-ge deıin «Altaı-1», «Altaı-2», «Álmerek», «Juldyz-1», «Juldyz-2» yqsham aýdandarynda, sonymen qatar, Kamyshınskaıa, Peschannaıa, Rybınskaıa, Tbılısskaıa kósheleri sharshysynda sýyq sý berý toqtatylady» delingen habarlamada.
Sonymen qatar, sýyq sý berý qyzmeti ýaqytsha toqtatylǵan kezde medıtsına jáne bilim berý mekemeleri arnaıy avtotsısternalar arqyly sýmen qamtylmaq.
Araılym Joldasbaeva
