Almatynyń birqatar yqsham aýdanynda sýyq sý berý toqtatylady

ALMATY. QazAqparat - Ońtústik astananyń M.Áýezov aýdanyna qarasty birqatar turǵyn úı men ózge de ǵımarattar sýyq sýdan ajyratylady. Bul týraly «Almaty sý» memlekettik kommýnaldyq kásiporny málim etti dep habarlaıdy QazAqparat tilshisi.

Memlekettik kommýnaldyq kásiporynnyń málimetinshe, 31tamyz kúni tańǵy saǵat 9:00-den keshki saǵat 18:00-ge deıin M.Áýezov aýdanynyń «Almas», «Astana», «Atameken», «Mamyr-1», «Mamyr-2», «Mamyr-4», «Mamyr-5» «Mamyr- 6», «Mamyr-7», yqsham aýdandarynda ornalasqan turǵyn úıler men ózge de ǵımarattar sýyq sýdan ajyratylady.

«Sonymen qatar, Dostyq- Shalıapın -ıAssaýı -B. Momyshuly- Abaı kósheleriniń aımaǵynda ornalasqan ǵımarattarda sý bolmaıdy. Engizilgen shekteýler sýmen jabdyqtaý obektisindegi tehnologııalyq jabdyqty aýystyrý úshin qajet»,- dep habarlady «Almaty sý» MKK.

Jóndeý jumystary kezinde joǵaryda atalǵan aýmaqtarda ornalasqan densaýlyq saqtaý jáne bilim berý nysandary aýyz sýmen qamtamasyz etiledi.

«Almaty sý» kommýnaldyq kásiporny ýaqytsha qolaısyzdyqqa túsinistikpen qaraýdy suraıdy.