Almatynyń birqatar aýdandarynda qazannyń 12 kúni sýyq sý berý ýaqytsha toqtatylady
ALMATY. 10 qazan. QazAqparat /Názıra Eleýhan/ - Almaty sý holdıngi qala turǵyndaryna sý qubyrlarynda júrgiziletin jóndeý jumystaryna baılanysty qazannyń 12-i kúni ýaqytsha sýyq sý berýdiń toqtatylatyndyǵyn habarlaıdy.
Atalmysh vedomstvanyń baspasóz qyzmetiniń habarlaýynsha, 12 qazan kúni saǵat 08:00-den 23:00-ge deıin Baızaqov - «Úlken Almaty» ózeni - Abaı dańǵyly - Sátbaev; Abaı dańǵyly - Jambyl - Manas - Qojamqulov kósheleri; Abaı dańǵyly - Qojamqulov - Qarasaı batyr - Rozybakıev kósheleri; Abaı dańǵyly - Shákárim - Brýsılovskıı - Varlamov kósheleri sharshysynda jáne onyń ishindegi turǵyn úıler, memlekettik mekemeler men kommertsııalyq uıymdarǵa sýyq sý berý toqtatylady.
Sondaı-aq, bul kúni № 105, 140,18 mektepter, Sporttyq mektep ınternaty, Baspa ýchılışesi, «Arman» oqytý-tárbıe kesheni, Abaı 54a dańǵylyndaǵy mýzyka mektebi, «Turan» lıtseıi, Manas 12-gi mýzyka kolledji, №72,9-shy balabaqshalar, Respýblıkalyq SES, Memlekettik akademııalyq bı teatry men múgedek balalarǵa arnalǵan ortalyq sýsyz qalmaq.
Bunymen qatar, 08:00 den 22:00 -ge deıin Altaı-1 yqsham aýdanyndaǵy №1-18,21-26,39,50a, 12,11a úılerge, Lavrenev kóshesindegi № 19-26, Maılın kóshesindegi № 67,69,71,72,73,75,77,80 turǵyn úılerge, Mırnaıa, Zaharov, Novokýznetskaıa, Kóbeev, Toqaı kóshelerindegi jeke turǵyn úılerge, sonymen qatar, № 115,78,89 mektepter men № 119 balabaqshaǵa sý berý toqtatylady.
Ýaqytsha qolaısyzdyqtar úshin Almaty sý holdıngi qala turǵyndarynan keshirim suraıdy.
