Almatynyń bilim mekemelerinde qandaı zańbuzýshylyqtar jıi kezdesedi
Onyń aıtýynsha, QR Bilim jáne ǵylym mınıstrliginiń buıryǵy negizinde 2020 jyldyń 10 aıynda 48 bilim mekemesine profılaktıkalyq baqylaý júrgizilgen. Baqylaý nátıjesinde QR Bilim týraly zańnama talaptaryn saqtamaý derekteri anyqtaldy.
Baqylaý qorytyndysy boıynsha kemshilikterdi joıý maqsatynda mekemelerge zańbuzýshylyq týraly uıǵarym berildi.
«Bilim salasyndaǵy sapany qamtamasyz etý komıtetiniń tapsyrmasyna sáıkes, orta bilim uıymdarynda «Beınebaqylaý» boıynsha monıtorıng júrgizildi. Monıtorıng qorytyndysy boıynsha, 205 orta bilim mekemesine beınebaqylaý júıesin ornatý týraly sheshim qabyldandy. Osyǵan baılanysty Almaty qalasynyń bilim basqarmasy 2021 jylǵa, orta bilim berý uıymdarynda beınebaqylaýdy jańartýǵa qarjy josparlaý máselesin qarastyrýda»,– deıdi Gúlnar Ermekbaeva.
Sonymen qatar, ol 10 aı ishinde jeke tulǵalardan 66 ótinish túskenin, onyń 19-y shaǵym ekenin atap ótti.
«Negizinen bilim uıymdary qyzmetiniń úlgili qaǵıdat talaptaryn saqtamaý faktileri kezdesedý. Atap aıtqanda balalardyń ómiri men densaýlyǵyn saqtamaý jáne mektepke deıingi uıymdardyń, mektepke deıingi tárbıe men oqytýdyń úlgili oqý baǵdarlamalaryn tolyq kólemde saqtamaý, balalardyń quqyǵyn qorǵaý máselesi, jeke mektepterde oqý úshin aqy tóleý jáne taǵy basqa faktiler bar»,– deıdi ol.
Spıkerdiń aıtýynsha, bala quqyǵyn qorǵaý máselesi – memlekettik saıasattyń negizgi baǵyttarynyń biri.
«Departament balalar quqyǵyn qorǵaý, balalardyń qaraýsyz jáne baqylaýsyz júrýine qarsy áreket etý jáne áleýmettik jetimdiktiń aldyn alý boıynsha memlekettik organdarmen, úkimettik emes jáne basqa uıymdarmen ózara baılanys jasaıdy. Biz kámeletke tolmaǵandarǵa qatysty aqparatty pysyqtaımyz, sondaı-aq «Bala qorǵaý» chatynda, áleýmettik jelilerde azamattardyń balalardyń quqyqtaryn qorǵaý máseleleri jónindegi ótinishteri boıynsha túsinikteme beremiz», - dedi G.Ermekbaeva.
