Almatynyń bilim basqarmasy mektepte jarylǵan jylý júıesine pikir bildirdi

ALMATY. QazAqparat - Áleýmettik jelide Almatydaǵy №175 «Jańa ǵasyr» gımnazııasynda sabaq kezinde jylý júıesi jarylyp, oqýshylardyń kúıip qala jazdaǵany týraly vıdeo tarady. Osyǵan baılanysty bilim basqarmasy túsinik berdi, dep habarlaıdy QazAqparat tilshisi.

Áýezov aýdandyq bilim bólimi áleýmettik jelide jarııalanǵan bul oqıǵanyń 2020-2021 oqý jylynda, naqty aıtqanda naýryzda №175 gımnazııanyń qazaq tili kabınetinde bolǵanyn aıtty.

«Ekinshi aýysymnyń úshinshi sabaǵynan keıingi úlken úziliste jylytý júıesi jaryldy. 6-synyp oqýshylary aıaqtaryna sý tımes úshin oryndyq, partanyń ústine shyǵyp aldy, balalar zardap shekken joq. Júıedegi apatty mekteptiń tehnıkalyq qyzmetkerleri birden jóndedi. Qazaq tili pániniń muǵalimi A.Kesikbaeva der kezinde áreket etpeı, oqýshylar ábigerge tústi»,- dep habarlady vedomstvodan.

Fýnktsıonaldyq mindetterin durys atqarmaǵany úshin qazaq tili muǵalimine tártiptik jaza qoldanylǵan.