Almatynyń bılik, qoǵam jáne bıznes ókilderi qalanyń iri saýda núktelerine reıd júrgizedi
ASTANA. 2 maýsym. QazAqparat - Almatyda jergilikti ákimshilik, jastar uıymdary jáne estrada juldyzdary qaladaǵy iri saýda oryndaryna reıd jasap,
21 jasqa tolmaǵan jastarǵa alkogoldi ónimderdi satpaý týraly túsindirme jumystaryn júrgizedi.
«Syra saqshysy» atty reıdti «Carlsberg Qazaqstan» syra qaınatý kompanııasy uıymdastyryp otyr. Kompanııa baspasóz qyzmetinen atap kórsetkendeı, mundaı reıdter Reseıde «Baltıka» kompanııasynyń uıytqy bolýymen birneshe jyl qatarynan ótkizilip keledi.
Almaty qalasynyń saýda núktelerin aralaıtyn toptardyń quramyna «Carlsberg Qazaqstan» kompanııasynyń qyzmetkerleri, Almaty ákimshiliginiń, Jastar saıasatyn damytý memlekettik qorynyń jáne Qazaqstan stýdentteri Alıansynyń ókilderi, jýrnalıster, qoǵam qaıratkerleri kiredi. Olar úsh topqa bólinip, úsh baǵytta jolǵa shyqpaq. Reıd barysynda 30-dan astam saýda núktesi qamtylady, jaǵdaı zerttelip, bólshek saýda ókilderi arasynda 21 jasqa tolmaǵan jastarǵa alkogol ónimderin satpaý týraly túsindirme jumystary júrgiziletin bolady.
Reıd nátıjeleri boıynsha búgin baspasóz máslıhaty ótkiziledi.
