Almatynyń bes jol aıyryǵy jóndeýden ótti

ALMATY. QazAqparat- Almatyda jol aıyryqtarynyń ortasha jóndeý jumystary aıaqtaldy, dep habarlaıdy QazAqparat tilshisi.

Almatynyń Áýezov jáne Medeý aýdandarynda ornalasqan bes kólik jolaıryǵynda jóndeý jumystary aıaqtaldy. Naqtyraq aıtsaq, ortasha jóndeý tireý qabyrǵalaryna júrgizildi.
Bul jolaıryqtar 10 jyldan astam ýaqyt jóndeý kórmegen. Keıbir bólikterinde plıtalar qulap, jaýyn sýy aqqan.
Sáýirdiń 13-nen 14-ne qaraǵan túni jóndeý jumystary Saın kóshesi men Abaı dańǵylynyń qıylysynda bastaldy. Sodan keıin Saın jáne Jandosov, Saın jáne Shalıapın kóshelerinde, ál-Farabı dańǵyly men Nazarbaev dańǵyly, ál-Farabı dańǵyly men Dostyq dańǵylynda jóndeý jumystary júrgizildi.