Almatynyń bazarlarynda AITV dertine tekserý tegin júrgizilip jatyr
ALMATY. QazAqparat - Almatylyqtar bazarlarda AITV juqpasyna tegin tekserilip jatyr, dep habarlaıdy QazAqparat tilshisi.
SPID ortalyǵy taratqan aqparatqa sáıkes, mobıldi zerthana «ıAlıan» jáne «Rahat» bazarlarynda jumys istep jatyr.
«Biz - salaýaty ómir saltyn qoldaımyz!» aktsııasy 1 maýsymnan 31 tamyzǵa deıin jalǵasady.
Osy ýaqyt aralyǵynda qala mekemeleri men uıymdarynda, bazarlarda profılaktıkalyq tekserilýler, ashyq esik kúnderi, mamandar keńesteri, salaýaty ómir salty aqparattyq naýqany uıymdastyrylady.
Ekspress-testileý ádisi 15 mınýt aralyǵynda adamǵa AITV-mártebesin bilýge múmkindik beredi. Testileý tegin jáne jasyryn túrde ótedi. Kúnine 50 adam ekspress-testileýden ótti.
«Árbir adamǵa óziniń AITV-dan saý ekenin bilýdiń mańyzy zor. Bul - óz densaýlyǵyńa nemquraıly qaramaý jáne oǵan degen jaýapkershilik. Sonymen qatar, bizdiń qyzmetkerler testke deıingi keńes ótkizedi, nátıjesinde adamdar AITV-ınfektsııasy týraly, eń bastysy odan qalaı qorǵaný týraly málimet alady. Testileýdiń taǵy bir mańyzdy tusy - bul dıagnozdyń nátıjesi oń bolǵan jaǵdaıda, qajetti kómek alý jáne óz densaýlyǵyńdy saqtap qalýǵa múmkindik beredi», - dedi JITS aldyn alý jáne oǵan qarsy kúres ortalyǵynyń bas dárigeri Talǵat Bapıev.
Almaty qalasy JITS ortalyǵynyń mamandary salaýatty ómir salty aktsııasy aıasynda, bıznes júıesinde AITV-ınfektsııasynyń aldyn alý, AITV-men ómir súretin adamdardy kemsitýge jol bermeý jáne mindetti áleýmettik saqtandyrýdy engizý týraly keńester jáne dárister ótkizdi.
Aıta ketý kerek, Almaty qalalyq Densaýlyq saqtaý basqarmasynyń bastamasymen qalanyń bazarlarynda tegin medıtsınalq tekserý jumystary ótip jatyr.
