Almatynyń basty shyrshasynyń alaýy jandy
ALMATY. 2 jeltoqsan. QazAqparat /Ádilet Musahaev/- Keshe Almatyda bir ýaqytta jańa jyldyq shyrshalardyń alaýy jandy. Qalanyń basty shyrshasy Respýblıka alańynda ornalasqan. Onyń bıiktigi - 18 metr. Bul qalanyń 7 aýdanynda ornatylǵan 9 shyrshanyń eń úlkeni bolyp tabylady.
Osy merekelik oqıǵaǵa oraı Respýblıka alańynda teatrlandyrylǵan qoıylymdar men qazaqstandyq estarda juldyzdarynyń qatysýymen kontsert ótkizilip, balalar úıindegi jetkinshekterge jańa jyldyq syılyqtar tabys etildi.
Qalanyń basty shyrshasynyń alaýyn jaǵý saltanaty Almaty qalasynyń ákimi A.Esimovtyń qatysýymen ótti. Ol qala turǵyndaryn kele jatqan meıramdarymen quttyqtady, sodan keıen qalanyń jańa jyldyq merekege daıyndyǵymen tanysý úshin qalany aralady. Esterińizge sala ketsek qala ákimdigi Azıada-2011 qarsańynda qaladaǵy ǵımarattardyń eń jaqsy bezendirilýi jóninde baıqaý jarııalaǵan bolatyn.
Ákim barlyq uıymdar men mekemelerdi elimiz úshin mańyzdy oqıǵaǵa atsalysyp, merekelik baıqaýǵa qatysýǵa shaqyrdy. Ol qala turǵyndarymen syrttan keletin qonaqtarǵa merekelik kóńil kúı syılaý úshin Almatyny árlendirýge kóńil bólý kerektigin basa aıtty.
