Almatynyń bas sanıtarlyq dárigeri jastarǵa úndeý jasady

ALMATY. QazAqparat – Almatynyń bas sanıtarlyq dárigeri Jandarbek Bekshın sanıtarlyq-epıdemıologııalyq talaptardy oryndamaıtyn jastarǵa eskertý jasady, dep habarlaıdy QazAqparat tilshisi.

Jandarbek Bekshınniń aıtýynsha, KVI boıynsha ósim 1,1 ese bolyp otyr. «Birinshi aptada – 420 jaǵdaı, ekinshi aptada – 460 jaǵdaı, úshinshi aptada – 510 jaǵdaı, tórtinshi aptada - 560 jaǵdaı tirkeldi. Optımıstik jaǵdaıda jeltoqsan aıyn 1900 jaǵdaımen, pessımıstik boljamda 2100 jaǵdaımen aıaqtaımyz. Biz qazir Ispanııa, Ulybrıtanııa, Frantsııa, Germanııa elderin mysalǵa keltiremiz. Vırýsty ustap alyp, qamap qoıa almaısyń. Osyny eresek adamdar eskerýi kerek»,- dedi Jandarbek Bekshın.

Mamannyń aıtýynsha, koronavırýs jastarda sımptomsyz ótetindigimen qaýipti.

«Jastar ata-analaryna, qart kisilerge juqtyrýy múmkin. Bizdiń aıtqan eskertpelerimdi qulaqqa ilmegen adam Jańa jyldy ata-anasyz, ata-ájesiz qarsy alýy ǵajap emes», - dedi ol.