Almatynyń bas sanıtarlyq dárigeri karantınge jatqyzyldy
ALMATY. QazAqparat – Almaty qalasynyń bas sanıtarlyq dárigeri Aızat Moldaǵasymova koronavırýs anyqtalǵan Germanııadan kelgen jolaýshymen bir ushaqta bolǵan, dep habarlaıdy QazAqparat tilshisi.
Almaty qalasy taýarlar men qyzmetterdiń sapasy men qaýipsizdigin baqylaý departamentiniń basshysy 10 naýryzda Frankfýrtten ushyp kelgen.
«Aızat Moldaǵysymova 13 naýryz kúni erteńgisin juqpaly aýrýlar aýrýhanasyna oqshaýlandy. Ol kisige test jasaldy»,-deıdi Almaty qalasy taýarlar men kórsetiletin qyzmetterdiń sapasy men qaýipsizdigin baqylaý departamenti basshysynyń orynbasary Ásel Qalyqova.
Foto: centralasia.news
