Almatynyń bas sanıtar dárigeri koronavırýsty juqtyrýdyń negizgi sebepterin atady

ALMATY. QazAqparat - Almaty qalasynyń sanıtarııalyq-epıdemıologııalyq baqylaý departamentiniń basshysy, qalanyń bas memlekettik sanıtar dárigeri Jandarbek Bekshın koronavırýstyń tórtinshi tolqyny kezinde halyq arasynda ınfektsııany juqtyrýdyń negizgi sebepterin atady, dep habarlaıdy QazAqparat tilshisi.

Bul týraly ol onlaın baspasóz-konferentsııasynda málim etti.

J.Bekshınniń aıtýynsha, epıdemııanyń tórtinshi tolqyny kezinde halyq arasynda ınfektsııasynyń juqtyrýnyń negizgi sebebi bıologııalyq qaýiptiń kórinbeýi, sonyń saldarynan halyqtyń qyraǵylyǵynyń tómendeýinen boldy deýge bolady.

ıAǵnı, azamattar qaýipti shyn máninde vırýsty juqtyryp, aýrýhanalaryna túskende ǵana, keı jaǵdaıda tipti otbasynda jaqyndarynan aıyrylǵan kezde ǵana túsindi.

Vırýs juqtyrýdyń sebepteriniń taǵy biri halyqtyń tyıym salynǵanyna qaramastan qoǵamdyq tamaqtandyrý kásiporyndarynda (qala mańy aımaǵynda jáne jalǵa alynǵan kottedjderde) jappaı otbasylyq is-sharalardy (toı, mereıtoı jáne t. b.) uıymdastyrýymen baılanysty.

Sondaı-aq azamattardyń keıbir toptarynyń vaktsınatsııanyń paıdasyna kúmán keltirip, qoǵamdyq oryndarda jáne qoǵamdyq kólikterde betperde rejımin saqtamaýy da qaladaǵy epıdemıologııalyq jaǵdaıdyń ýshyǵa túsýine túrtki boldy.

«Taǵy bir aıta ketetin másele belsendiligi joǵary 20 jastan asqan jastardyń maska taǵý, araqashyqtyq sııaqty karantın talaptaryn saqtamaı vırýs juqtyryp, ony otbasy múshelerine juqtyrdy. Sóıtip, vırýsty gıpertaratýshyǵa aınaldy»,-dedi Bekshın.